Ožgavienės! 

2025 metū kuova 4 dėina. Šėndėina mūsa vakams ir paugusims linksma dėina – Ožgavienės! 

Vėsė laukė keliuonės su autobuselio ī „SUSIMATOM“ gaspāda. Bet kol išvažious , reikiejė praētė vietėnė policininka patėkrėnėma. Vakā tor muokietė klausītėis, vīkdītė užduotis ėr išsėpėrktė bilieta- pasakītė Ožgavieniu dėinuos garsiausi šaukuojėma. Baveik vėsė žėnuojė i dainiāva „ŽĖIMA ŽĖIMA, BIEK IŠ KĖIMA“. Bet policininks išrāšė baudū: gr. „Spinduliukai“ turiejė susėmuokietė už grupės asluos netvarka, gr. „Boružiukai“ už eilutiu i raidiū makaliuojėma, gr. „Kačiukai“ – už bātu neapsemuovėma, auklytės-  už per tonki turielku pluovėma. Mėnkė jouka su pareigūnas šiou dėina. 

Nuvažiāvos ī „SUSIMATOM“, vākus pasėtėka gaspadėnė, Lašininis, Kanapinis ir degos laužielis. Pu pėrmo vėsė pasėdėrba kaukės, vo pasimerāvė, linksmā šuoka, dainiāva, žaidė žaidėmus. Daug blīnū prisišveitė dalīvāva Kanapėnė i Lašinėnė kuovuo. Ka jau Lašininis bova nugaliets, belėka sudegintė Muorė i dainioutė „ŽĖIMA ŽĖIMA, BIEK IŠ KĖIMA“. 

Vėsė bovuom linksmė, žėima išvariem, tad vėskas būs gerā i dā geriau.

Logopēdė Loreta P